ನಮ್ಮ ಬಗ್ಗೆ

ಎಂಎಸ್‍ಐಎಲ್ ಎಂದೇ ಜನಪ್ರಿಯವಾಗಿರುವ ಮೈಸೂರು ಸೇಲ್ಸ್ ಇಂಟರ್ನ್ಯಾಷನಲ್ ಲಿಮಿಟೆಡ್ ವಿವಿಧ ಉತ್ಪನ್ನಗಳ ಮಾರಾಟ ಹಾಗೂ ಸೇವೆಯಲ್ಲಿ ತೊಡಗಿರುವ ಕರ್ನಾಟಕ ಸರ್ಕಾರದ ಪ್ರಮುಖ ಅಂಗಸಂಸ್ಥೆಯಾಗಿದೆ.
ಸರ್ಕಾರದ ಮಾರುಕಟ್ಟೆ ಅಗತ್ಯಗಳನ್ನು ಪೂರೈಸಲು ಕೇಂದ್ರೀಕೃತ ಮಾರುಕಟ್ಟೆ ಸಂಸ್ಥೆಯಾಗಿ 1966ರಲ್ಲಿ ಸ್ಥಾಪನೆಯಾದ ಎಂಎಸ್‍ಐಎಲ್ ಇಂದು ಬಹು-ಉತ್ಪನ್ನ ಹಾಗೂ ಬಹು ಆಯಾಮದ ಮಾರ್ಕೆಟಿಂಗ್ ಸಂಸ್ಥೆಯಾಗಿದ್ದು ದೇಶದ ಅತ್ಯುತ್ತಮ ಸರ್ಕಾರಿ ಸಂಸ್ಥೆಗಳಲ್ಲಿ ಒಂದಾಗಿದೆ.

ಈಗ ಮದ್ಯದ ಚಿಲ್ಲರೆ ವ್ಯಾಪಾರ, ಚಿಟ್‍ಫಂಡ್, ನೋಟ್‍ಬುಕ್‍ಗಳು, ಸೋಲಾರ್ ಉತ್ಪನ್ನಗಳು, ಟೂರ್ ಪ್ಯಾಕೇಜ್ ವ್ಯವಸ್ಥೆ, ವಿಮಾನಯಾನ ಟಿಕೆಟ್ ಕಾಯ್ದಿರಿಸುವಿಕೆ, ಕುಡಿಯುವ ನೀರು, ಜೆನೆರಿಕ್ ಔಷಧಿಗಳು ಹಾಗೂ ಮರಳು ಇತ್ಯಾದಿ ಉತ್ಪನ್ನಗಳು ಹಾಗೂ ಸೇವೆಗಳನ್ನು ಮಾರಾಟ ಮಾಡುತ್ತಿದೆ. ಸರ್ಕಾರದ ಸಂಸ್ಥೆಯಾಗಿ ಎಂಎಸ್‍ಐಎಲ್ ತನ್ನ ಜವಾಬ್ದಾರಿಯನ್ನು ಸಾರ್ವಜನಿಕರಿಗೆ ಪೂರೈಸಲು ಬದ್ದವಾಗಿದೆ. ಐದು ದಶಕಗಳಿಗೂ ಹೆಚ್ಚು ಕಾಲ ಅಗಾಧ ನಂಬಿಕೆ ಮತ್ತು ಬೆಂಬಲಕ್ಕಾಗಿ ಸಂಸ್ಥೆಯು ತನ್ನ ಗ್ರಾಹಕರು, ವ್ಯಾಪಾರ ಸಹವರ್ತಿಗಳು ಮತ್ತು ಸಾರ್ವಜನಿಕರಿಗೆ ಋಣಿಯಾಗಿದೆ. ಉತ್ತಮ ಗುಣಮಟ್ಟದ ಉತ್ಪನ್ನಗಳು ಮತ್ತು ಉನ್ನತ ದರ್ಜೆಯ ಸೇವೆಯನ್ನು ನೀಡುತ್ತಿರುವುದು ಸಂಸ್ಥೆಯ ಬದ್ದತೆಗೆ ಸಾಕ್ಷಿಯಾಗಿದೆ.